Балалардың міндетті білім алуға конституциялық құқықтарын қамтамасыз ету

 

 

Білім беру органдарының мәліметі бойынша республикада мектептері жоқ 1636 елді мекен бар (2016 жылы – 1539 ауыл).

Онда тасымалдауды талап ететін мектеп жасындағы 26 742 бала тұрады (2016 жылы –  22 788  бала). Олардың ішінде:

- тасымалдау 26 063 (97,5%) оқушылар үшін (2016 жылы -  22 278 (97,7%) ұйымдастырылған, оның ішінде 22 819  бала мектепке дейін және кері қарай күнделікті тегін жеткізумен қамтылды, 3 244 мектеп жанындағы интернаттарда тұрады;

- 679  (2,5%) оқушы тасымалдаумен қамтамасыз етілмеген (өздері жетеді, пәтерлерде, туыстарында тұрады) (2016 ж.  – 510 (2,3%): Онтүстік Қазақстан (570 оқушы, немесе осы елді мекендерде тұратын оқушылардың жалпы санынан 21,6%), Қостанай облысында (66, немесе 4,5%), Ақтөбе облысында (20 оқушы, 1,6%-ы),  Атырау (13 оқушы, 0,7%) және т.б.

 Балаларды мектепке 804 автобус жеткізеді, оның ішінде 2017 жылы 69 автобус сатып алынған.

Анықтамалық: «Білім туралы» ҚРЗ сәйкес елді мекенде мектеп болмаған жағдайда білім алушыларды таяудағы мектепке дейін және кері қарай тегін жеткізіп салуды ұйымдастыру жергілікті атқарушы органдарының құзыретіне жатады және жоғарыда аталған шығындар жергілікті атқарушы органдарының есебінен жүзеге асырылады.

Балаларды білім беру орындарына тасымалдауды ұйымдастыруда қауіпсіздікті қамтамасыз ету мақсатында 2017 жылғы 2 қазан мен  10 қараша аралығында ҚР БҒМ бастамасымен «Қауіпсіз мектеп автобусы» республикалық акциясы өткізілді.

Елдің барлық өңірлерінде акцияның тұжырымдамасына сәйкес балаларды тасымалдауды ұйымдастыруға, оның ішінде: көлік құралдарының техникалық жай-күйіне, олардың қолданыстағы нормаларға сәйкестігіне, жүргізушілердің сапасына, жолдардың қауіпсіздігіне, автокөліктердегі арнайы жарықтың (жыпылықтаған маяк) және дыбыстық сигналдардың болуына және т.б. тексеріс жүргізілді.

Акция аясында оқушылар арасында жол қозғалысы ережелерін түсіндіру бойынша сабақтар, «Жарқын бол», «Қауіпсіз жол», «Балалар мен жол» сынып сағаттары, лекциялар, флэш-мобтар, ата-аналар арасында жиналыстар және т.б. өткізілді.


Балаларды мектепке тасымалдау мәселесі туралы

Заңда белгіленген тәртіппен кенттің, ауылдың, ауылдық округтің әкімі елді мекенде мектеп болмаған жағдайда білім алушыларды таяудағы мектепке дейін және кері қарай тегін жеткізіп салуды ұйымдастырады.
Қазіргі таңда республикада мектептері жоқ 1 539 елді мекен бар.  22 278 баланы мектепке 768 автобус жеткізеді.
Қалалық жерлерде, оқушылардың басым бөлігі үйлеріне жақын мектептерге барады, себебі «Білім туралы» Заңға сәйкес мектеп  бiлiм беру ұйымдарының қызмет көрсету аумағында тұратын барлық балалардың сол бiлiм беру ұйымына қабылдануын қамтамасыз етедi.


 

Жоғары
© 2017 Балалардың қүқықтарын қорғау комитеті

010000, Астана қаласы, Мәңгілік ел көшеcІ
«Министрліктер Үйі» Әкімшілік ғимараты, № 8 үй, 11 кіреберіс. Тел.: 8 7172 74 23 42

Яндекс.Метрика