ҚР Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиcсия

Құрылған: 31.07.2012, 12:12   |  
ҚР Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиcсия
Қазақстан Республикасы Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық
комиссияның 15 отырысына қатысты
 
2014 жылғы 10 желтоқсанда өңірлерді қосу арқылы бейнеконференцбайланыс режимінде Қазақстан Республикасы Білім және ғылым министрі Аслан Сәрінжіповтың төрағалығымен Қазақстан Республикасы Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның (бұдан әрі - ВАК) 15-інші отырысы өтті. Отырыста кәмелетке толмағандар арасында суицидтік мінез-құлықты алдын алу және қылмыстылықтың жағдайы туралы мәселелер қаралды.
ВАК жұмысына ВАК-тың мүшелері, Қазақстан Республикасы Бас прокуратурасының, білім және ғылым, денсаулық сақтау және әлеуметтік даму, ішкі істер, сыртқы істер, инвестициялар және даму, ұлттық экономика, мәдениет және спорт министрліктерінің, Адам құқықтары жөніндегі ұлттық орталықтың, үкіметтік емес ұйымдардың, сондай-ақ жергілікті атқарушы органдардың өкілдері қатысты.
ВАК қорытындысы бойынша орталық мемлекеттік және жергілікті атқарушы органдарға кәмелетке толмағандар арасында суицидтің және қылмыстылықтың алдын алуы бойынша қосымша шаралар қабылдау жөнінде нақты ұсынымдар тұжырымдалды.

24 сәуір 2014ж., Астана қ. ҚР БҒМ Қазақстан Республикасы Үкіметінің жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссиясының кезекті 14 отырысын өткізеді

 
24 сәуір 2014ж., Астана қ.  Қазақстан Республикасы Білім және ғылым министрлігі Қазақстан Республикасы Үкіметінің жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссиясының кезекті 14 отырысын өткізеді. Оn-line тәртібінде өткен жиынға Астана, Алматы қалалары, облыс әкімдерінің орынбасарлары, білім, денсаулық сақтау және әлеуметтік қорғау органдарының, ҮЕҰ басшылары қатысады. 
Отырыс барысында 2013 жылғы 4 шілдеде қабылданған «Қазақстан Республикасының кейбір заңнамалық актілеріне жетім балалар мен ата-анасының қамқорлығынсыз қалған балалардың тұрғын үйге құқықтарын қамтамасыз ету мәселелері бойынша өзгерістер мен толықтырулар енгізу туралы» ҚР Заңын іске асыру бойынша мемлекеттік органдардың қызметі және оны іске асыру жөнінде мәселе қарастырылады. 
Заңда жетім балалар мен ата-анасының қамқорлығынсыз қалған балалардың тұрғын үй алуға бірінші кезекті құқығы қарастырылған. Нормативтік құқықтық актілерде мемлекеттік тұрғын үй қорынан тұрғын үй беру мен пайдалану, тұрғын үйге мұқтаж азаматтарды тіркеу, сондай-ақ  жетім балалар мен ата-анасының қамқорлығынсыз қалған балалардың тұрғын үйлерін сақтау мәселелері реттелген.  
Көрсетілген санаттағы балаларға бекітіп берілген тұрғын үйдің сақталу тәртібін жергілікті атқарушы органдар немесе олардың заңды өкілдері қамтамасыз етеді. 
Республикада жетім балалар мен ата-анасының қамқорлығынсыз қалған 33 682 (2012 ж. -34785) бала бар.  23 803 бала қамқорлық пен қорғаншылық тәртібіндегі отбасыларында, 9 879 бала білім беру, денсаулық сақтау және тұрғындарды әлеуметтік қорғау жүйесінің жетім балалар мен ата-анасының қамқорлығынсыз қалған балаларына арналған 188 ұйымда тәрбиеленуде.                                                
Жетім балалар мен ата-анасының қамқорлығынсыз қалған 9 879 баланың білім беру, денсаулық сақтау және тұрғындарды әлеуметтік қорғау жүйесі мекемелерінде тәрбиеленетін  8024 (81,2%) бала тұрғын үй алуға кезекке тұрғызылған, 604 (6,1%) баланың бекітілген үйі бар. 
Соңғы 8 жыл ішінде балалар үйінің 15 785 түлегінен 849 түлек бекітілген тұрғын үйлеріне қайтарылды,  1441 (9%) пәтер алды.   
2013 жылдың шілде айынан республика бойынша балалар үйінің түлектеріне 556 пәтер берілді. Бірқатар аймақтарда (Қарағанды, Қостанай облыстары) аталмыш санаттағы балаларды тұрғын үймен қамтамасыз ету бойынша кешенді шаралар қолған алынған. Балалар үйі түлектерінің жастар үйінде тұруға мүмкіндігі бар. 
Сондай-ақ, «Жилстройсбербанк» АҚ-да жетім балалар мен ата-анасының қамқорлығынсыз қалған балалар үшін спонсорлық қаражат тарту арқылы жинақ шоттарын ашу қарастырылған. 
ВАК жұмысының қорытындысы бойынша орталық және жергілікті атқарушы органдарға нақты ұсыныстар әзірленеді. 

Қазақстан Республикасы Үкіметінің жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссияның 2014 жылға арналған жұмыс жоспары
Қазақстан Республикасы Үкіметінің жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссия отырысы туралы БАСПАСӨЗ ХАБАРЛАМАСЫ
 
010000, Астана қаласы,
Орынбор көшесі, № 8 үй,
11-кіреберіс
тел: 8(7172)74-23-81
 
Қазақстан Республикасы Білім және ғылым министрі Аслан Сәрінжіповтың төрағалығымен 2013 жылғы 12 желтоқсанда Қазақстан Республикасы Үкіметінің жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссияның (бұдан әрі – ВАК) он үшінші отырысы өткізіледі.
ВАК аймақтардың қосылуы мен бейнеконференция байланыс режимінде өтеді.
ВАК жұмысына Білім және ғылым, Денсаулық сақтау, Ішкі істер, Еңбек және халықты әлеуметтік қорғау, Мәдениет және ақпарат, Көлік және коммуникация министрліктерінің, ҚР-ның Спорт және дене шынықтыру істері агенттігінің өкілдері, облыстар әкімдерінің орынбасарлары, облыстардың, Астана және Алматы қалалары білім,  балалардың құқықтарын қорғау, денсаулық сақтау басқармаларының басшылары, сонымен қатар Қазақ тағамтану академиясы мен үкіметтік емес ұйымдар өкілдері қатысады.
ВАК-та мектептегі тамақтандыру саласындағы проблемалар мен болашақта әрі қарай даму мәселері талқыланады. 
Қазіргі уақытта мектептерде 79% оқушы ыстық тамақпен, 21% оқушы буфеттік тамақпен қамтылған. Мектеп оқушыларын ыстық тамақпен қамтамасыз ету үшін 6183 (84%) жалпы білім беретін мектептерде жағдай жасалған.
Тегін ыстық тамақпен әлеуметтік қорғалмаған отбасыдан шыққан оқушылардың 99% қамтамасыз етілген. Республиканың 10 өңірінде аз қамтылған отбасыдан шыққан оқушылардың 100% тегін ыстық тамақпен қамтылған. 
Сонымен бірге, оқушылардың тамақтандыруын ұйымдастыруда қолданылып жатқан шараларға қарамастан әлі де шешімді қажет ететін бірқатар мәселелер бар.
ВАК жұмысының қорытындысы бойынша орталық мемлекеттік және жергілікті атқарушы органдарға, оның ішінде, заңнама базасын жетілдіру және балалардың денсаулығына зиян келтіретін азық-түлікті оқушылардың тамақтандыруына пайдалануды болдырмау, сонымен қатар, оқушылардың денсаулығына пайдалы тамақтандыруға жағдай жасауда білім беру органдары мен ұйымдарының жауапкершілігін арттыру жөнінде қосымша шара қолдану  бойынша нақты ұсыныстар әзірленеді.

ҚР Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның отырысы туралы БАСПАСӨЗ ХАБАРЛАМАСЫ

 
Астана қ.                                                    2013 жылғы 29 сәуір
                                                                                        
Қазақстан Республикасы Білім және ғылым министрлігі 2013 жылғы 29 сәуірде Қазақстан Республикасы Үкіметінің жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссиясының (бұдан әрі – ВАК) кезекті ХІІ отырысын әкімдер орынбасарларының, білім, прокуратура, денсаулық сақтау және әлеуметтік қорғау органдары басшыларының қатысуымен on-line режимінде өткізеді. 
ВАК отырысында интеграцияланған (инклюзивтік) білім беру жағдайында даму мүмкіндіктері шектеулі балаларды әлеуметтік, медициналық-психологиялық cүйемелдеу бойынша ВАК 10-отырысы ұсынымдарының орындалуы туралы, сондай-ақ жетім балалар мен ата-анасының қамқорлығынсыз қалған балаларды тұрғын үймен қамтамасыз ету мәселелері қарастырылады. 
Республикада 151 мыңнан аса бала дамуында мүмкіндігі шектеулі балалар. дамуында мүмкіндігі шектеулі балалардың білім алу құқықығын жүзеге асырудағы басты мәселе – олардың психо-физиологиялық ерекшеліктерін ескере отырып, білім алуы үшін жағдай жасау болып табылады. Ол үшін республикада  арнайы білім беру мекемелерінің дифференциацияланған желісі қызмет етеді. Жыл сайын олардың қаржыландырылуы өсуде, материалдық-техникалық қамтылуы жақсаруда. 
106 арнайы (коррекциялық) мектептер, жалпы білім беру мектептерінде 1155 арнайы сыныптар, 56 психологиялық-медициналық-педагогикалық кеңестер, 129 психологиялық-педагогикалық түзету кабинеттері, 558 логопедтік пунктер, 20 оңалту орталықтары қызмет етуде.
Инклюзивті білім беру жүйесі даму үстінде. 2011-2020 жылдарға арналған білім беруді дамыту мемлекеттік бағдарламасына сәйкес 2020 жылға инклюзивті білім беру үшін жағдай жасалған мектептердің үлесі жалпы санның 70 пайызына дейін артатын болады.
Мүгедек балалар үшін кедергісіз қолжетімділік мектептердің үлесі 20 пайызды құрайтын болады. Сонымен қатар, мүмкіндігі шектеулі балалар үшін  білім  беру ұйымдарының процессінде шешілмеген мәселелер бар. Олардың қатарында ОВР балалар үшін жалпы  білім беру мекемелерінде материалдық-техникалық қамту толыққанды емес. Мүмкіндігі шектеулі балаларға арналған білім беру ұйымдарының түлектері білім беру ұйымын бітірген соң тек үштен бір бөлігі ғана жұмыспен қамтылады. Қоғамда дамуында мүмкіндігі шектеулі балаларға оң және мейірімді қарым-қатынасты қалыптастыру мәселесі өзекті болып қалуда.
ВАК-тың күн тәртібіндегі тағы да бір маңызды мәселе – жетім және ата-анасының қамқорлығынсыз қалған балалардың тұрғын үйге қамтамасыз ету.
Бірқатар өңірлерде (Қарағанды, Қостанай облыстары) аталған санаттағы балаларды тұрғын үймен қамтамасыз ету бойынша кешенді жоспарлар жүзеге асырылуда. Балалар үйлері түлектерінің жасөспірімдер үйінде тұруға мүмкіндіктері бар. 
Демеушілер қаражаттарын жұмылыдыра отырып, жетім балаларды тұрғын үймен қамту үшін «Тұрғын үй жинақтаушы банкі» АҚ-да жинақтаушы есеп шотын ашу жергілікті жерлерде тәжірибеленуде. 
Алайда, бұл шаралар жеткіліксіз.
34 мыңнан аса  жетім және ата-анасының қамқорлығынсыз қалған балалардың ішінен 5 мың баланың  (20,4%) бекітілген тұрғын үйі бар. 27 мыңнан аса бала (79,6%) тұрғын үйге мұқтаж. 
Соңғы 7 жылда балалар үйлері қабырғасынан 14376 түлек шықты. Олардың ішінде тек 849 түлек тұрғын үймен қамтылды. 
Қазіргі таңда жетім және ата-анасының қамқорлығынсыз қалған балалардың тұрғын үйге құқығын қамтамсыз ету саласындағы заңнамаларды жетілдіру бойынша жұмыстар жүргізілуде. 
ВАК жұмысының қорытындысы бойынша орталық мемлекеттік және жергілікті атқарушы органдарға нақты ұсыныстар жасақталатын болады.

ШАРБАҚТЫ АУДАНЫНДАҒЫ ДЕПАРТАМЕНТ КҮНІ

2013 жылғы 21 ақпанда Шарбақты ауданында Павлодар облысы үшін дәстүрге айналған балалардың құқықтарын қорғау бойынша Департамент күні өтті Іс-шараның мақсаты: мемлекеттік, үкіметтік емес, қоғамдық құрылымдардың бала мүдделерін бойынша мемлекеттік саясатты іске асыру және қалыптастыру жөніндегі күш жігерлерін біріктіру болып табылады.  
Департамент күні «Радуга» мектептен тыс жұмыстар орталығында өткізілді, оған мемлекеттік органдардың, ауданның жалпы орта білім беретін мектептерінің тәрбие ісі жөніндегі директордың орынбасарлары,психологтар, мектеп омбудсмендері қатысты.
 «Құқығым бар!» көшпелі қоғамдық қабылдау қызметі ұйымдастырылды, оның шеңберінде мұғалімдерге, қамқоршыларға ақпараттық-кеңестік көмек көрсетілді.
Департамент күннін қатысушылары бір-неше топға бөлінді, әр топ өз бағытында жұмыс істеді.
Балалардың құқықтарын қорғау департаменті директорының  орынбасары Н.В. Нефедова, Щарбақты ауданы әкімінің орынбасары Б.Қ. Калыбаева, ауданның мемлекеттік мекемелерінің басшылары, мектеп  омбудсмендері қатысуымен «Балалардың құқықтары мен заңды мүдделерін қорғау мәселелері бойынша ҮЕҰ, БАҚ, білім беру ұйымдарының, жергілікті атқарушы органдардың өзара қызметі туралы» дөңгелек үстел өтті.
Дөңгелек үстелінде кәмелетке толмаған арасында құқық бұзушылық профилактикасының, жетім-балаларға,ата-аналасының қамқорлығынан қалған балаларға әр түрлі көмек көрсету сұрақтары талқыланды,мекетеп омбудсмендері «Құқық аймағы» жобасының жүзеге асырылуын ұсынды.
  
 Балалардың құқықтарын қорғау департаментінің бас маманы А.Т. Тлеуленова кәмелетке толмаған Ф.Н. Аманованың отбасына барды, қазіргі уақытта кәмелетке толмаған КТБО-да тұрады, кәмелетке толмағанның анасымен профилактикалық әңгіме жүргізді,
«Бала және құқық» жобасы шеңберінде «Қатыгезсіз және зорлық-зомбылықсыз балалық шақ» семинар өтті. Семинарда З.О. Қожанова (департаментінің мониторинг және ақпараттық талдау қызметі бөлімінің бастығы), К.С. Канаева (№3 Шарбақты ЖОМ психологі), Е.В. Лебедь (№2 Щарбақты НМ тәрбие жұмыс жөніндегі директордың орынбасары), А.А. Осенний (гимназиялық классты бар ЖОМ психологі), М.К. Жусупова (Абай атындағы ЖОМ бастауыш сыныбының мұғалімі).
Осы уақытта мектеп омбудсмендерге семинар ұйымдастырылды, адамның адамгершілік-рухани дамыту бөлімінің бастығы А.А. Абельдинова семинар қатысушыларына  2013 жылда мектеп обмудсмендерінің жұмысының негізгі бағыттармен танысты, А. Құнанбаев атындағы ЖОМ оқушысы А.Аубакирова өз оқу орнының омбудсмендері жұмысының тәжірибесімен танысты, №7 ЖОМ мектеп омбудсмені Е. Поддубная «Мен және менің қажеттіліктерім»  тренингті ұйымдастырды, №16 мектеп-лицейінің омбудсмені Д. Багданова «Менім құқықтарым»  сұрақ-жауап сайысы өткізді.
Іс-шара қорытындысы бойынша қатысушыларға берілді.
      
Мекткеп психологтарға, қамқоршыларға, тәрбие ісі  жөніндегі директордың орынбасарлаға арналған  «Асыранды отбасындағы балалардың қызығушылығын дамыту» семинар-тренинг өтті, тренинг барысындабалалардың құқықтарын қорғау департаментінің бас маманы Б.Г. Бейсенова
№3 ЖОМ психологі К.С. Канаева «Асыранды отбасындағы балалардың қызығушылығын дамыту» өткізді. Іс-шара қорытындысы бойынша қатысушыларға «     » кітапша берілді.
Департамент күні шеңберінде  сауалнама түріндегі шағын зерттеулер  ұйымдастырылды, оған 30 адам қатысты, соның ішінде 73% бала.
Жұмыс соңында   Шарбақты ауданында балалардың құқықтарын қорғау және сапалы өмір сүруін қамтамасыз ету бойынша мемлекеттік және үкіметтік емес ұйымдардың қызметін тиімді қамтамасыз етуге бағытталған  ұсынымдар қабылданды.  
Іс-шара қорытындысында аудан әкімшілігі департаментке алғыс айттып,  ынтымақтастығымызға сенемін білдірді.


Кәмілетке толмағандар қамқорлыққа зәру

Сәрсенбі күні Қазақстан Республикасы Үкіметі жанындағы Кәмілетке толмағандардың ісі және олардың  құқықтарын қорғау жөніндегі ведомствоаралық комиссияның (ВАК) кезекті отырысы өтті. Оны ҚР Білім және ғылым министрі Бақытжан Жұмағұлов жүргізді.
Селекторлық мәжіліске барлық облыс әкімдерінің орынбасарлары, білім, жастар, саясаты  құрылымдары мен облыс, Астана мен Алматы қалалары балалардың құқықтарын қорғау депарменттері басшылары онлайн  жүйесінде қатысты. Олардың қатарында облыстағы тиісті сала басшыларымен бірге Батыс Қазақстан облысы әкімінің орынбасары Серік Сүлеймен де болды.
Қазақстан Республикасы  Бас прокуратурасының мәліметтері   бойынша кәмілетке толмағандарға қатысты қылмыстар  саны 2012 жылғы 10 айда 9 пайызға өскен (2011 жылы- 6810, 2012 жылы - 7419). Кәмілетке толмағандарға қатыгездікпен қарағаны үшін 21 қылмыстық  іс қозғалыпты. Қылмыстардың  басылым көпшілігі Алматы қаласында, Қарағанды, Оңтүстік Қазақстан, Қостанай, Жамбыл және Алматы облыстарында  тіркелген. Бүгінгі күні  13 мыңнан астам қатігездікпен жайсыз отбасыларда  20 мыңнан  астам бала тұрып жатыр. Жыл басынан бастап бала тәрбиелеудегі міндеттерін орындамағаны үшін 2,6 мыңнан астам ата-ана мен оларды алмастырушы әкімшілік жауапкершілікке тартылған, 782 ата-ана өз құқығынан айырылған.
БҰҰ жанындағы ЮНИСЕФ ұйымының Қазақстандағы өкілі Татьяна Адерихина   әлемдік тәжіребиеде  кәмілітке толмағандарға  қатысты озбырлық  фактілерінің  бірнеше топқа жүйеленетінін айтады. Бұл өз кезегінде аталған мәселенің түйінің  шешуге оң ісер етеді.         
Селекторлық отырыс үстінде кәмілетке толмағандарға қатысты қылмыс түрлері өршіп тұрған облыс  басшыларының есебі тыңдалды. Мысалы, Қарағанды облысында  жыл басынан бері кәмілетке толмағандарға  қатысты жыныстық  зорлау  оқиғасы  79 мәрте  тіркелген. Оңтүстік Қазақстан облысында 13 жасөспірім кісі қолынан  қаза тапқан. Кәмілетке толмағандарға  қатысты қылмыстар көп жағдайда  жария болмай, жабулы қазан  күйінде қалады. Бақытжан Тұрсынұлы мұңдай  жағдайда болашақта жол бермеуге шақырады.
Министрдің айтуынша, оқушыға қол көтеріп, қызметтен қуылған мұғалемге барлық білім ордасының есігі жабық болуы тиіс

Төрехан Кәрімбай /«Орал өңірі»  облыстық
қоғамдық - саяси газеті  
№151-152 16.12.2012

 



БАҚЫЛАУСЫЗ БАЛА ҚЫЛМЫСҚА ҰРЫНАДЫ

Кеше Қазақстан Республикасының Үкіметі жанындағы кәмелетке толмағандардың ісі және олардың құқықтарын қорғау жөніндегі ведомстволық комиссияның ХІ отырысы өтіп, оған облыс әкімінің орынбасары Шыңғыс Мұқан, облыстық басқарма басшылары онлайн режимінде қатысты.
ҚР Білім және ғылым министрі Бақытжан Жұмағұловтың төрағалығымен өткен басқосуда кәмелетке толмағандарға қатысты зорлық-зомбылық және қатыгездік көрсетудің алдын алу мәселелері бойынша мемлекеттік орган қызметкерлері тарапынан баяндамалар оқылды.
- Өскелең ұрпаққа білім беру, — деді комиссия отырысын ашқан министр Бақытжан Тұрсынұлы, — оларды тәрбиелеу мәселесі — Елбасы Нұрсұлтан Назарбаевтың үнемі тікелей бақылауында. Ал, балалардың құқықтарын қорғау мәселелері қоғамның ерекше назарында тұруы тиіс. Балалардың құқықтарын қорғауды қамтамасыз ету бойынша көптеген бағдарламалар қабылданып, шаралар атқарылуда. Алайда, кезегін күтіп тұрған мәселелер де аз емес.
Бақытжан Жұмағұлов өз сөзінде Бас прокуратураның берген мәліметі бойынша, ағымдағы жылдың он айлық қорытындысымен кәмелетке толмағандарға қатысты 7419 қылмыс жасалғандығын айтты. Өткен жылы бұл көрсеткіш 6810-ға жетті, яғни, тоғыз пайызға көбейіп отыр. Соның ішінде 4905 жас зорлық-зомбылық сипатындағы қылмыстардан зардап шеккен. 162 жасөспірім ересектердің қолынан жарақат алса, алты мыңға жуық жас талан-таражға душар болды. Бұдан басқа 33 бала ұрланып, заңсыз бостандықтан айырылған. – Мұндай жағдайлардың кері қайталанбауы үшін нақты шараларды қолға алып, жұмысты күшейтуіміз қажет. Әсіресе, Оңтүстік Қазақстан, Алматы облысы, Алматы қаласы, Ақтөбе облыстарында кәмелетке толмағандарға қатысты қылмыстар көбейіп отыр. Соның ішінде, көп кездесетіні – ұрлық. Осы жағдайлардың не себепті орын алып отырғандығын анықтауларыңыз қажет, – деді мәселенің өзектілігіне тоқталған Б.Жұмағұлов.
Қазақстан Республикасы Ішкі істер министрлігінің Әкімшілік полиция комитеті төрағасының орынбасары Тимур Асылбековтің айтуынша, 2009-2011 жылдар аралығында кәмелетке толмағандарға қатысты қылмыс 76,2 пайызға өскен. Негізінен, қылмыс жасайтындар жағдайы төмен отбасының балалары екендігін ерекше атап өтті. Сондай-ақ, ҚР Білім және ғылым министрлігінің вице министрі Саят Шаяхметов пен ҚР Денсаулық сақтау министрлігінің вице-министрі Ерік Байжүнісов атқарылған жұмыстарға тоқтала келе, ұсыныстарды ортаға салды.
Облыс әкімінің орынбасары Шыңғыс Жұмабекұлы облыстық басқарма басшыларына комиссия отырысында талқыланған жастардың қолынан және жастарға қатысты жасалатын қылмыс мәселесіне мұқият қарап, алдын алу шараларын жүргізуді тапсырды.

Айгүл ЕРТІЛЕУ,
Облыстық қоғамдық- саяси «Атырау» газеті, № 144,13.12.2012 ж.


Қазақстан Республикасы Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның отырысы өтті

Қазақстан Республикасы Білім және ғылым министрлігі 2012 жылғы 12 желтоқсанда Қазақстан Республикасы Үкіметінің жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссиясының (бұдан әрі – ВАК) кезекті ХІ отырысы әкімдер орынбасарларының, білім, жастар саясаты органдары мен облыс, Астана мен Алматы қалалары балалардың құқықтарын қорғау департаменттері басшыларының қатысуымен on-line режимінде өткізілді.
ВАК жұмысына денсаулық сақтау, ішкі істер, еңбек және әлеуметтік қорғау, байланыс және ақпарат, көлік және коммуникациялар министрліктерінің, спорт және дене шынықтыру істері жөніндегі агенттігінің өкілдері, үкіметтік емес ұйымдар өкілдері және өзгелер қатысты.
Бүгінгі күні 13 мыңнан астам қатыгездікпен қарау қатері бар жайсыз отбасыларда 20 мыңнан астам бала тұрады.
Жыл басынан бастап бала тәрбиелеудегі міндеттерін орындамағаны үшін 2,6 мыңнан астам ата-аналар мен оларды алмастырушылар әкімшілік жауапкершілікке тартылған, 782 ата-ана өз құқықтарынан айырылған.
Қазақстан Республикасы Бас прокуратурасының мәліметтері бойынша кәмелетке толмағандарға қатысты қылмыстар саны 2012 жылғы 10 айда 9 пайызға өсті (2011 жылы – 6810, 2012 жылы – 7419). Кәмелетке толмағандарға қатыгездікпен қарағаны үшін 21 қылмыстық іс қозғалды.
Қылмыстардың басым көпшілігі Алматы қаласында, Қарағанды, Қостанай, Жамбыл, Павлодар, Қызылорда, Маңғыстау, Батыс Қазақстан, Ақтөбе, Атырау және Алматы облыстарында тіркелген.
Қалыптасқан жағдайды ескере отырып, балалардың өмірі мен денсаулығына қылмыстық қол сұғудан қорғау жүйесін құруға бірегей көзқарасты қалыптастыру мақсатында ВАК отырысында кәмелетке толмағандарға қатысты зорлық-зомбылық және қатыгездікпен қараудың алдын алу бойынша мемлекеттік органдармен қолданылатын шаралар туралы мәселе қарастырылды.
Бұдан басқа, отырыста балаларға қатысты зорлық-зомбылық пен қатыгездікпен қарауға қарсы күрес жөніндегі стратегияны  әзірлеу және жүзеге асыру жөніндегі сәтті еуропалық бастамалардың презентациясы өткізілді.
Сонымен бірге 2013 жылға арналған ВАК жұмыс жоспарының жобасы талқыланды.
ВАК жұмысының қорытындысы бойынша аталған мәселелер бойынша Қазақстан Республикасы Үкіметіне ұсыныстар енгізіледі және орталық, жергілікті атқарушы органдарына нақты ұсынымдар берілді.     

ҚАЗАҚСТАН РЕСПУБЛИКАСЫ ҮКІМЕТІ ЖАНЫНДАҒЫ ЖАСӨСПІРІМДЕР ЖӘНЕ ОЛАРДЫҢ ҚҰҚЫҚТАРЫН ҚОРҒАУ ІСІ ЖӨНІНДЕГІ ВЕДОМСТВОАРАЛЫҚ КОМИССИЯ ОТЫРЫСЫНА МӘЛІМЕТТЕР

Қазақстан Республикасы Үкіметінің жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссиясының 11-отырысының бағдарламасы


Кәмелетке толмағандар ісі толмағандар ісі және олардың құқықтарын қорғау жөніндегі облыстық комиссияның отырысы

2012 жылғы 10 желтоқсанда облыстық әкімдікте Кәмелетке толмағандар ісі толмағандар ісі және олардың құқықтарын қорғау жөніндегі облыстық комиссияның кезекті отырысы облыс әкімінің орынбасары А.А. Орсариевтің төрағалығымен өтті.
Отырыс барысында жалпы облыс оның ішінде нақты Екібастұз қаласы мен Качиры ауданы бойынша кәмелетке толмағандар арасындағы құқық бұзушылықты, қараусыздықты және панасыздықты алдын алу мәселелері қаралды. Балалрдың құқық бұзушылық жасауының себептері, Кәмелетке толмағандарды бейімдеу орталығының қызметі қаралды.
Облыс білім беру басқармасының бастығы Б.М. Бексейітова комиссия мүшелерінің барлығын КТБО-ның жұмысымен таныстырды.
Бүгінгі күні Орталықпен өмірдің қиын жағдайына тап болған балаларды әлеуметтік-психологиялық бейімдеу, балалар мен отбасылардың әлеуметтік патронажы мәселелері табысты шешілуде. КТБО қызметкерлерімен диагностиканың үздіксіз үдерісініне, талдау мен түзетуге  бағытталған әрбір балаға жеке көңіл бөлу әдістері қолданылады. Орталықта «Отбасын қолдау қызметі»  ұйымдастырылған, оған 44 отбасы хабарласып, әлеуметтік-құқықтық мәселелер бойынша консультациялық көмек алды. Отбасылық жайсыздықты және отбасы патронажын алдын алу мақсатында жедел және жоспарлы «Жедел топ» жүзеге асырылады. Бүгінгі күні облыс бойынша 19 жерге бару жүзеге асырылды. Кәмелетке толмағандардың құқықтары мен заңды мүдделерін қорғау жүйесін дамыту мақсатында «65-29-17» шұғыл байланыс телефоны жұмыс істейді.
Орталықпен «Әлеуметтік-волонтерлер орталығы» ЖҚБ, «ПРОМЕНЬ» мәдени-ойын-сауық студиясы» ЖҚБ, «Серіктестік орталығы» Павлодар қоғамдық қорымен бірлесіп жұмыс жұмыс атқару туралы келісімі жасалды.
Облыс әкімінің орынбасары А.А. Орсариев балалардың бос уақытын ұйымдастыруды барынша қамту, мектептен тыс мекемелер желесін кеңейту, кәмелетке толмағандар арасындағы құқықтық тәртіпті қамтамасыз етуге бағытталған бейнебақылаулар мен шағын-стационарлық постардың санын арттыру мәселелерін қарастыру  қажеттілігіне ерекше көңіл бөлді.


Кәмелетке толмғандардың ісі және олардың құқықтарын қорғау жөніндегі өңірлік  комиссиялардың қызметтері туралы

Облыстардың, Астана және Алматы қалалары әкімдіктерінің мәліметтері бойынша республикада 214 комиссия қызмет атқаруда, оның ішінде 14 облыстық, 39 қалалық, 161 аудандық.
Комиссия құрамына төраға, төраға орынбасары, комиссия мүшелері және жауапты хатшы кіреді. Комиссияны облыс, аудан, қала әкімдерінің орынбасарлары басқарады.
Комиссия мүшелері болып мәслихат депутаттары, ішкі істер, білім беру, денсаулық сақтау, әділет, еңбек және халықты әлеуметтік қорғау, қамқоршылық және қорғаншылық органдарының, қоғамдық және басқа да ұйымдардың өкілдері кіреді.
2012 жылғы бірінші жарты жылдықта комиссияның барлық деңгейдегі 1284 отырысы өткізіліп, онда 6 469 іс қаралды.
Мәселелердің тақырыптары:
- жетім балалар және ата-анасының қамқорлығынсыз қалған балалардың орналастыру;
- қылмыс жасаған кәмелетке толмағандар туралы істі қарау;
- өмірде қиын жағдайға душар болған кәмелетке толмағандарды анықтау және әлеуметтік оңалту;
- кәмелетке толмағандарды тәрбиелеу жөнінде өз міндеттерін орындамаған ата-аналар/заңды тұлғалаларға қатысты істерді қарау;
- тәрбиелеу колонияларынан және арнайы білім беру ұйымдарынан босатылған кәмелетке толмағандарды тұрмыстық және еңбекке орналастыру;
- Қазақстан Республикасы Үкіметінің жанындағы ВАК шешімін орындау.
Жүргізілген сараптама қарастырылған істердің басым бөлігі мынадай бағыттарға арналғанын көрсетті:
- бала тәрбиесінен жалтарып жүрген ата-аналар туралы 1188 (18,3%);
- жетім балалар және ата-анасының қамқорлығынсыз қалған балаларды орналастыру 1144 (17,7%);
- құқық бұзушылық жасаған кәмелетке толмағандар туралы 1028 (15,9%);
- білім алудан жалтарып жүрген балалар туралы 1025 (15,8%);
- негізгі мектепті бітіріп, материалдық жағдайына байланысты әрі қарай білімін жалғастыра алмай жүрген кәмелетке толмағандар жұмысқа орналастыру туралы 194 (3%);
- тәрбиелеу колонияларынан және арнайы білім беру ұйымдарынан босатылған кәмелетке толмағандарды тұрмыстық және еңбекке орналастыру 73 (1,1%);
- басқа органдармен үйлестіру туралы 862 (13,3,%);
- Қазақстан Республикасы Үкіметінің жанындағы ВАК шешімінің орындалуы туралы 174 (2,7 %);
- басқа да мәселелер туралы 781 (12,1%).
Комиссия жұмысының нәтижесінде ағымдағы жылғы бірінші жарты жылдықта 45 517 кәмелетке толмағандарға көмек көрсетілді, оның ішінде:
- көп балалы және күнкөрісі төмен отбасылардың 36148 баласына;
- қолайсыз отбасылардың 1357 баласына;
-  4766 жетім балалар және ата-анасының қамқорлығынсыз қалған балаларға;
- 1708 панасыз және қараусыз қалған балаларға;
- 1335 девиантты мінез-құлықты балаларға;
- алкоголизм мен нашақорлыққа душар болған - 203 бала.
Комиссия қызметінің нәтижесінде:
- оқудан бас тартқан 847 бала мектепке қайтарылды;
- 240 кәмелетке толмаған бала қылмыстық белгісі бар қоғамдық қауіпті әрекет жасау фактілері бойынша қылмыстық жауапкершілікке тартылды;
- 1139 кәмелетке толмаған бала нашар материалдық жағдайына байланысты жұмысқа орналастырылды;
- қылмыстық-атқару жүйесі мекемелерінен және арнайы білім мекемелерінен босатылған 198 бала жұмысқа орналастырылды;
- алкоголь ішімдіктерін, есірткі заттарын қолданатын 203 кәмелетке толмағандар емделу-алдын алу және бейімделу шараларын өткізу үшін денсаулық сақтау мекемелеріне жіберілді;
- 461 кәмелетке толмаған бала білім ұйымдарына, соның ішінде 72 бала КТБО-ға жіберілді.
Бұдан басқа, 578 ата-ана өздерінің ата-аналық құқықтарынан айырылды. 250 кәмелетке толмаған бала арнайы білім мекемелеріне жіберілді.
Комиссия жұмысындағы жетістіктермен қатар, нақты шешімін таппаған мәселелер де бар. Осылайша, комиссиялармен жасөспірімдерді жұмысқа орналастыру және тұрмыстық жағдай жасау жөніндегі жұмыс нашар жүргізіледі, аймақтық құқық бұзушылық, панасыздық және қараусыздықтың алдын алу жөніндегі жоспарлардың іске асырылуына бақылау жасалмайды.
Бұдан басқа, комиссиялармен мемлекеттік органдардың құқық бұзушылықтың алдын алу және құқықбұзушылық, панасыздық және қараусыздық жай-күйі туралы әлеуметтік зерттеулерді өткізуді ұйымдастыру жөніндегі қызметтерін жетілдіру жөніндегі әдістемеліктер әзірленбеген.
Жоспарланған іс-шаралар формальды түрде өткізіліп, құқық бұзушылықтың алдын алу сапасына әсер етпейді, көп жағдайларда кейбір мәселелердің кезекті қарастырылуы ғана ескерілген.
Комиссия жұмысындағы көкейтесті мәселелерді ескере отырып, облыс, Алматы және Астана қалаларының әкімдіктеріне комиссия қызметінің тиімділігін арттыру туралы ұсынымдар жіберілді. 

Кәмелетке толмағандардың ісі және олардың құқықтарын қорғау жөніндегі ведомствоаралық комиссияның оныншы отырысының шешімі (2012 жылғы 20 сәуір)

Қазақстан Республикасы Үкіметінің жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссия отырысы туралы БАСПАСӨЗ ХАБАРЛАМАСЫ

Қазақстан Республикасы Білім және ғылым министрлігі 2012 жылғы 20 сәуірде Қазақстан Республикасы Үкіметінің жанындағы Кәмелетке толмағандардың ісі және олардың құқықтарын қорғау жөніндегі ведомстоаралық комиссияның (бұдан әрі - ВАК) кезекті оныншы отырысын өткізеді.
ВАК жұмысына Білім және ғылым, денсаулық сақтау, ішкі істер, еңбек және халықты әлеуметтік қорғау, байланыс және ақпарат, көлік және коммуникация министрліктерінің, спорт және дене шынықтыру істері агенттігінің өкілдері, облыстар әкімдерінің орынбасарлары, облыстардың, Астана және Алматы қалалары білім басқармаларының бастықтары және балалардың құқықтарын қорғау департаменттерінің директорлары қатысады.
ВАК-та девиантты мінез-құлықты балаларға арналған арнайы білім беру ұйымдарының жай-күйі және олардың проблемалары, инклюзивтік білім беру жағдайында даму мүмкіндіктері шектеулі балаларды әлеуметтік, медициналық-психологиялық cүйемелдеу бойынша мәселелердің жағдайы, Қазақстан Республикасының азаматтары болып табылмайтын және Қазақстан Республикасы аумағына уақытша келген азаматтар балаларының білім алуы туралы мәселелер қаралатын болады.
ВАК жұмысының қорытындысы бойынша аталған мәселелер жөнінде Қазақстан Республикасы Үкіметіне ұсыныстар, орталық  мемлекеттік және жергілікті атқарушы органдарға нақты ұсынымдар енгізіледі.


Қазақстан Республикасы Үкіметінің жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның 2012 жылға жұмыс жоспары

Қазақстан Республикасы Үкіметінің жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссия отырысының шешімі (2011 жылғы 18 сәуір)

Қазақстан Республикасы Үкіметінің жанындағы кәмелетке толмағандардыңістері және олардың құқықтарын қорғау жөніндегі ведомствоаралық комиссия (ВАК)  отырысының бағдарламасы (2011 жылғы 18 сәуір)

Қазақстан Республикасы Үкіметінің жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның  2011 жылға жұмыс жоспары

2010 жылғы 7 желтоқсандағы  Кәмелетке толмағандардың ісі және олардың құқықтарын қорғау жөніндегі ведомствоаралық комиссиясы отырысының шешімі


Қазақстан Республикасы Үкіметінің жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның отырысы туралы БАСПАСӨЗ ХАБАРЛАМАСЫ

Астана қаласы                                                                                                        2010 жылғы 7 желтоқсан                                                                                 
 

Қазақстан Республикасы Білім және ғылым министрлігі 2010 жылғы 
7 желтоқсанда Қазақстан Республикасы Үкіметінің жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның (бұдан әрі – ВАК) кезекті сегізінші отырысын өткізеді.
ВАК жұмысына білім және ғылым, ішкі істер, әділет, еңбек және халықты әлеуметтік қорғау министрліктерінің өкілдері және облыстар әкімдерінің орынбасарлары қатысады.
Күн тәртібіне сәйкес жетім балалар мен ата-анасының қамқорлығынсыз қалған балаларды тұрғын үймен қамтамасыз ету және Кәмелетке толмағандарды уақытша оқшаулау, бейімдеу және оңалту орталықтарын (КТУБОО) қайта құру мәселелері талқыланатын болады.
«Білім туралы» Қазақстан Республикасының Заңына сәйкес жетім балалар және ата-анасының қамқорлығынсыз қалған балаларды тұрғын үймен қамтамасыз ету мәселесі жергілікті атқарушы органдардың құзыретіне жатады. Қазіргі уақытта балалар үйлері тәрбиеленушілерінің тек 10%-ы ғана тұрғын үйге ие. Жыл сайын балалар үйлерінен 2 мыңға жуық тәрбиеленушінің шығуына байланысты, жетім балалар мен ата-анасының қамқорлығынсыз қалған балаларды тұрғын үймен қамтамасыз ету мәселесі оны шешуге бағытталған пәрменді шаралардың қабылдануын қажет етеді.
Қазақстан Республикасы Президентінің «Қазақстан Республикасында құқық қорғау қызметі мен сот жүйесінің тиімділігін арттыру жөніндегі шаралар туралы» 2010 жылғы 17 тамыздағы № 1039 Жарлығымен 18 КТУОБОО-ды жергілікті атқарушы органдардың білім беру жүйесіне тапсырылады. Бұл шешім қоғамымыздың кәмелетке толмағандарға қатысты балалардың қараусыздығы мен панасыздығын алдын алу бойынша қалыптасқан жүйені жалпыәлемдік үдерістерді ескере отырып өзгертуден туындап отыр.
Статистика бойынша жыл сайын КТУОБОО-ға 9 мыңға жуық қараусыз кәмелетке толмағандар орналастырылады.
КТУОБОО бұрын кәмелетке толмағандарды тәулік бойы оқшаулайтын Қазақстан Республикасы Ішкі істер министрлігі жүйесінің режимді нысандары болған. Жасөспірімдер арнайы мекемелерде күзетуде ұсталған, олардың еркін жүріп-тұру мүмкіндігі болмаған.
Орталықтар кәмелетке толмағандардың дағдарыс жағдайынан шығу жолында шұғыл көмек көрсетеді, олардың алдағы уақытта отбасыларына қайтып оралуын қамтамасыз етеді.
Сонымен қатар отырыста ведомствоаралық әрекеттестіктің алдағы уақыттағы тиімділігі және 2011 жылға арналған жұмыс жоспарын қабылдау қарастырылады.
ВАК жұмысының қорытындысы бойынша аталған мәселе жөнінде Қазақстан Республикасы Үкіметіне ұсыныстар енгізіледі және орталық мемлекеттік және жергілікті атқарушы органдарға нақты ұсынымдар беріледі. 

 


Қазақстан Республикасының Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның кезектен тыс отырысы туралы БАСПАСӨЗ ХАБАРЛАМАСЫ

Қазақстан Республикасы Білім және ғылым министрлігі 2010 жылғы 15 қыркүйекте Қазақстан Республикасының Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссиясының кезектен тыс отырысын өткізеді (бұдан әрі – ВАК).
ВАК жұмысына Қазақстан Республикасы Бас прокуратурасының, білім және ғылым, ішкі істер, әділет, еңбек және халықты әлеуметтік қорғау министрліктерінің өкілдері және облыстар әкімдерінің орынбасарлары қатысады.
ВАК-та Қазақстан Республикасы Бас прокуратурасының анықтаған тәрбиелеу колонияларынан босатылған және арнайы білім беру ұйымдары мен ерекше тәртіпте ұстайтын білім беру ұйымдарынан босатылған кәмелетке толмағандарды еңбекке және тұрмыстық орналастыру мәселелері бойынша кәмелетке толмағандардың ісі және олардың құқықтарын қорғау жөніндегі комиссия қызметінде жіберілген бұзушылықтарды жою жөнінде қабылданған шаралар туралы орталық мемлекеттік және жергілікті атқарушы органдардың өкілдері тыңдалады.
ВАК жұмысының қорытындысы бойынша аталған мәселе бойынша Қазақстан Республикасы Үкіметіне ұсыныстар және орталық мемлекеттік және жергілікті атқарушы органдарына нақты ұсынымдар енгізіледі. 

 


Қазақстан Республикасының Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссия отырысының
КҮН ТӘРТІБІ

2010 жылғы 15 қыркүйек  № 7                                                                                 Астана қаласы

1. Қазақстан Республикасы Әділет министрлігі Қылмыстық-атқару жүйесі комитетінің Қазақстан Республикасы Бас прокуратурасының тәрбиелеу колонияларындағы кәмелетке толмағандардың мүліктік құқықтарының бұзылуы бойынша анықтаған фактілерін жою бойынша қабылдаған шаралары туралы.

 2. Қазақстан Республикасы Бас прокуратурасының тәрбиелеу колонияларынан босатылған және арнайы білім ұйымдары мен ерекше тәртіпте ұстайтын ұйымдардан шыққан кәмелетке толмағандарды еңбекке және тұрмыстық орналастыру мәселелері бойынша кәмелетке толмағандардың ісі және олардың құқықтарын қорғау жөніндегі комиссияның қызметінен анықтаған бұзушылықтарды жою жөнінде Алматы, Қарағанды және Қостанай облыстарының жергілікті атқарушы органдарының қабылдаған шаралары туралы.

3. Қазақстан Республикасы Бас прокуратурасының тәрбиелеу колонияларынан босатылған және арнайы білім ұйымдары мен ерекше тәртіпте ұстайтын білім беру ұйымдарынан шыққан кәмелетке толмағандармен алдын алу жұмыстарын ұйымдастыру бойынша кәмелетке толмағандардың ісі жөніндегі учаскелік инспекторлардың қызметін тексеру барысында анықтаған бұзушылықтарды жою бойынша Қазақстан Республикасы Ішкі істер министрлігінің қабылдаған шаралары туралы.

4. Қазақстан Республикасы Бас прокуратурасы арнайы білім беру және ерекше тәртіпте ұстайтын білім беру ұйымдарының қызметін тексеру барысында анықтаған бұзушылықтарды жою бойынша Қазақстан Республикасы Білім және ғылым министрлігінің қабылдаған шаралары туралы.


Кәмелетке толмағандардың ісі және олардың құқықтарын қорғау жөніндегі ведомствоаралық комиссия отырысының шешімі


Қазақстан Республикасының Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның 6-шы отырысы туралы  БАСПАСӨЗ ХАБАРЛАМАСЫ

Қазақстан Республикасы Білім және ғылым министрлігінде 2010 жылғы 19 сәуірде Қазақстан Республикасының Үкіметі жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссияның (бұдан әрі - ВАК) кезекті алтыншы кеңейтілген отырысын өткізді.
ВАК жұмысына мүдделі министрліктер мен ведомстволардың, сондай-ақ үкіметтік емес ұйымдар мен БАҚ өкілдері қатысты.
ВАК-та ювеналды әділет жүйесін дамытудың тұжырымдамасын іске асыру, полиция мектеп инспекторларының қызметін, кәмелетке толмағандарды уақытша оқшаулау, бейімдеу және оңалту орталықтарын қайта құру, компьютерлік клубтардың жасөспірімдерді дамытуға тигізетін кері әсерін төмендету проблемалары талқыланды.
Сонымен қоса жетім балалар мен ата-анасының қамқорлығынсыз қалған балаларды тұрғын үймен қамтамасыз ету мәселесі де қаралды.
ВАК-тың алтыншы отырысында қарастырылған барлық мәселелер балалардың құқықтары мен мүдделерін қорғау саласына қатысты.
ВАК-тың мүшелері компьютерлік клубтардың балалар дамуына тигізетін теріс ықпалына, әсіресе, осы клубтардағы ойындардың мазмұнына алаңдатушылық білдірді. Сондықтан ВАК мүшелері компьютерлік клубтарда болатын балаларды қауіп-қатерден қорғау тәсілдері жөнінде ұсыныстар әзірлейтін ведомствоаралық жұмыс тобын құру туралы шешім қабылдады.
Сондай-ақ, Қазақстан Республикасы Байланыс және ақпарат министрлігіне балалар мен ата-аналар үшін «қауіпсіз интернет» арнайы бағдарламаларын дамытудағы мәселені әзірлеу ұсынылды.
Жетім балалар мен ата-аналарының қамқорлығынсыз қалған балаларды тұрғын үймен қамтамасыз ету мәселесі бойынша Балалар үйлері тәрбиеленушілерінің тұрғын үй мәселесін шешу жөнінде тұжырымдама жобасын әзірлеу туралы ұсыныс енгізілді.
2007 жылдың желтоқсанынан 2010 жылдың сәуір айына дейін ВАК-тың 5 отырысы өткізілгендігін атап өткен жөн. ВАК-та 30 мәселе қарастырылды, олар: кәмелетке толмағандардың арасындағы құқықбұзушылықтың, қылмыстың және суицидтің алдын алу, мүмкіндіктері шектеулі балаларды әлеуметтік қорғау, жалпы білім беру, оқушыларды сапалы тамақтандыру, ювеналды соттарын құру, әлеуметтік жетімдік, сондай-ақ, эротикалық мазмұнды және қатыгездік пен зорлық-зомбылықты насихаттайтын материалдарды таратуға және көрсетуге тыйым салу және т.б.
ВАК-тың бес отырысында әкімдіктер, білім, ішкі істер, әділет, денсаулық сақтау, мәдениет және ақпарат органдары тарапынан балалардың құқықтарын іске асырудағы ведомствоаралық ынтымақтастық және оған бақылау жасауды күшейту бойынша 80-ге жуық ұсынымдар қабылданды. Бүгінгі күні министрліктер, ведомстволар және барлық деңгейдегі әкімдіктер ВАК-тың 40-қа жуық ұсынымдарын іске асырды.

 

   

 


Қазақстан Республикасы Үкіметінің жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның  КҮН ТӘРТІБІ

Астана қаласы №6                                                                                                                                            2010 жылы 19 сәуірі

 1. Қазақстан Республикасында ювеналды әділет жүйесін дамытудың 2009 - 2011 жылдарға арналған тұжырымдамасы және Тұжырымдаманың іске асыру жөніндегі іс-шаралар жоспары ережелерінің іске асырылу барысы туралы. 
1.1. Мектеп оқушылары арасындағы құқық бұзушылықтардың алдын алу бойынша мектеп инспекторлары мен педагогикалық ұжымдардың өзара бірлескен жұмыстарын ұйымдастыру туралы. 
1.2. Кәмелетке толмағандарды уақытша оқшаулау, бейімдеу және оңалту орталықтарын қайта құру және қылмыс жасағандары үшін айыпталушы деп танылған кәмелетке толмағандарды, сондай-ақ, ерекше тәртіпте ұстайтын балалар үшін арнайы білім беру ұйымдарына жіберілгендерді уақытша ұстау үшін арнайы мекемелер құру туралы. 
2. Компьютерлік клубтардың жасөспірімдерді дамытуға тигізетін кері әсерін төмендету бойынша қабылданған шаралар туралы. 
3. Жетім балалар және ата-анасының қамқорлығынсыз қалған балаларды тұрғын үймен қамтамасыз ету мәселелері туралы.


Кәмелетке толмағандардың ісі және олардың құқықтарын қорғау жөніндегі ведомствоаралық комиссияның VI отырысының шешімі


Қазақстан Республикасының Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның отырысы туралы  БАСПАСӨЗ ХАБАРЛАМАСЫ 

01000, Астана қаласы
Орынбор көшесі, № 8 үй, 10-12 кіреберіс
тел:(7172)74-23-81
www.edu.gov.kz

Қазақстан Республикасы Білім және ғылым министрлігі 2009 жылғы 3 желтоқсанда Қазақстан Республикасы Үкіметінің жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссияның (бұдан әрі - ВАК) кезекті бесінші кеңейтілген отырысын өткізді.
ВАК жұмысына мүдделі министрліктердің өкілдері, облыстардың әкімдерінің орынбасарлары, сондай-ақ үкіметтік емес ұйымдардың және БАҚ өкілдері қатысты.
Отырыста орталық және жергілікті атқарушы органдардың тарапынан нақты шараларды қабылдауды қажет ететін жалпы проблемалық мәселелер талқыланды. 
Талқылау барысында Ақмола, Қарағанды және Павлодар облыстарындағы балалардың мектепке толық баруын қамтамасыз ету жөніндегі мәселелерге ерекше көңіл бөлінді. Ақмола облысында балалардың сабаққа қатыспауы, сондай-ақ балаларды есепке алу мәліметтері нақты емес және сапалы білім алуға құқықтарын жүзеге асыруда кедергі болған фактілер анықталды. Ақмола облысының әкімдігі мен білім басқармасына және жергілікті атқарушы органдарға, облыстардың, Астана және Алматы қалаларының әкімдіктеріне 2010-2014 жылдарға арналған Өңірлік стратегиялық даму жоспарының жобасына сабаққа қатыспай жүрген оқушыларды дер кезінде есепке алуды, оқушыларды мектепке және кері үйлеріне қолайлы және қауіпсіз жеткізу туралы міндеттерді қарастыру ұсынылды.
Сондай-ақ әкімдіктерге құқық қорғау органдарымен бірлесе отырып, сабақты себепсіз босатқан балаларды анықтау және арнайы есепке алу, балаларды 9-сыныптан кейін оқыту және олардың жұмысқа орналасуы жөнінде кешенді шара қабылдауды ұсынылды.
Отырысқа қатысушылар Оңтүстік Қазақстан және Алматы облыстарында бала еңбегінің ең нашар түрлерін алдын алу және ескерту жөніндегі Әлеуметтік орталықтардың қызметтері туралы қызығушылық танытты.
Ауыл шаруашылығы министрлігіне Мақтаарал ауданында мақта жинау шаруашылығы қожалықтарының проблемалары туралы, сондай-ақ  Министрліктің Стратегиялық жоспарына мақта өсіретін аудандардағы біліктілігі төмен қол еңбегін мақта жинаудың қазіргі заманға сай технологияларына алмастыру жөнінде мақсаттар мен көрсеткіштерді қосу жөнінде мәселелерді қарастыру ұсынылды.
Еңбек және халықты әлеуметтік қорғау министрлігіне осы Министрліктің Стратегиялық жоспарына бала еңбегінің ең нашар түрлерін жою және осыған сәйкес мониторинг жүргізу жөнінде міндеттер мен көрсеткіштерді қосу ұсынылды.
Оңтүстік Қазақстан облысының әкіміне ведомствоаралық өзара іс-қимыл жасауда сабақтан қалуға әсер ететін жағдайларды, бала еңбегінің ең нашар түрлерін жою жөнінде жұмыс берушілердің, селолық шаруалықтардың, еңбек және әлеуметтік қорғау органдарының, құқық бұзушылықтың алдын алу мекемелер қызметтерін  үйлестіру ұсынылды.
Комиссия мүшелері мен отырысқа қатысушыларға Қазақстан Республикасының Бас Прокуратурасы өкілінің даму мүмкіндіктері шектеулі балалардың құқықтарының сақталуын тексеру барысында анықталған кемшіліктерді жою туралы мәліметтері таратылды.
Комиссия шешімімен мүдделі мемлекеттік органдар жергілікті атқарушы органдармен бірлесіп, даму мүмкіндіктері шектеулі балаларды әдістемелік-педагогикалық түзеу және кешенді әлеуметтік қолдауды уақытылы көрсету мақсатында білім беру ұйымдарының арнайы желілерін кеңейтуге мүмкіндік туғызуды ұсынылды.
Сонымен қатар, 2009 жылғы комиссия жұмысының қорытындысы талқыланып, 2010 жылға арналған қызметтерінің негізгі бағыттары анықталды. 


Қазақстан Республикасының Үкіметі жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссия отырысының КҮН ТӘРТІБІ

 Астана қаласы 
№ 5
2009 жылғы 3 желтоқсан

1. Мемлекет басшысы Н.Ә Назарбаевтың балалардың мектепке толық баруын қамтамасыз ету мәселелері жөніндегі тапсырмасын Қарағанды, Ақмола, Павлодар облыстарында іске асыру барысы туралы.

2. Оңтүстік Қазақстан және Алматы облыстарындағы бала еңбегінің ең нашар түрлерін жою және алдын алу бойынша Әлеуметтік орталықтардың жұмысы туралы.

3. Даму мүмкіндігі шектеулі балалардың құқықтарын сақтау жөніндегі Қазақстан Республикасының Бас Прокуратурасының тексеруінде анықталған кемшіліктерді жою туралы (Қазақстан Республикасы Премьер-Министрінің 2009 жылғы 12 маусымдағы № 20-48/2656 (2.4 т.) тапсырмасы). 

4. 2010 жылға арналған ВАК жұмыс жоспарын талқылау және бекіту.


Кәмелетке толмағандардың ісі және олардың құқықтарын қорғау жөніндегі ведомствоаралық комиссияның V отырысының шешімі


Қазақстан Республикасы Үкіметінің жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның қорытындысы туралы

Қазақстан Республикасы Білім және ғылым министрлігі 2009 жылғы 27 сәуірде Қазақстан Республикасы Үкіметінің жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссияның (бұдан әрі - ВАК) кезекті төртінші отырысын өткізді.

ВАК-тың жұмысына мүдделі министрліктердің өкілдері, облыс әкімдерінің орынбасарлары, Қазақстан Республикасы Президенті жанындағы әйелдер ісі жөніндегі ұлттық комиссия және отбасылық-демографиялық саясатының, Қазақстан Республикасы адам құқықтары жөніндегі ұлттық орталықтың, облыстардың білім басқармаларының және балалардың құқықтарын қорғау департаменттерінің, үкіметтік емес ұйымдардың басшылары қатысты.
ВАК отырысында кәмелетке толмағандардың ісі және олардың құқықтарын қорғау жөніндегі облыстық және аудандық комиссия қызметінің тиімділігін арттыру мәселелері талқыланды.
Облыстардың, Астана және Алматы қалаларының әкімдеріне  әлеуметтік қауіпті жағдайға душар болған кәмелетке толмағандарды және олардың отбасыларын ерте анықтау, есепке алу, оңалту жөнінде ведомствоаралық бағдарламаларды әзірлеу, сондай-ақ ювеналдық әділет жүйелерін енгізу мәселелері бойынша Комиссиялардың қызметін жандандыру жөніндегі ұсыныстар берілді. Комиссиялардың құрамын қалыптастыру кезінде, оның құрамына талқыланатын проблемаларға қатысы бар және оларды шешуге өкілетіліктің жауапты лауазымды тұлғаларды барынша көбірек енгізу. «Облыстық және аудандық кәмелетке толмағандардың ісі және олардың құқықтарын қорғау жөніндегі ведомствоаралық комиссиялардың 2006 - 2008 жылдардағы қызметтерінің тиімділігін бағалау туралы» мәселені қарастыру.
ВАК отырысына қатысушылар республикадағы жалпы білім беретін мектептердегі оқушыларға сапалы тамақтандыруды ұйымдастыру мәселесі бойынша баяндамалар ұсынды.
Жиын барысында Қазақстан Республикасы Білім және ғылым министрлігі  Денсаулық сақтау министрлігімен бірлесіп ай сайын жалпы білім беретін мектеп оқушыларын ыстық тамақпен қамту мониторингін қамтамасыз етуге ұсыныс берілді.
Әкімдіктерге  2009 - 2012 жылдарға және кейінгі жылдарға арналған облыстар мен аудандардың Стратегиялық даму жоспарының жобасында  1-4 сынып оқушыларын және күнкөрісі төмен отбасылардан шыққан оқушыларды ыстық тамақпен толық қамтуға бағытталған қаражаттарды бөлу іс-шараларын қарастыруға ұсыныс берілді. Сонымен қатар, білім беру органдарғада ұсыныс берілді.
ВАК отырысында денсаулық сақтау ұйымдарында дені сау бала бөлмелерін қалпына келтіру және мектеп оқушыларына сапалы тамақтандыруды ұйымдастыру проблемаларын шешу жөнінде өңірлердің бірқатар тәжірибелері ұсынылды.
Сондай-ақ, қатыгездік пен зорлық-зомбылыққа табынушылықты насихаттайтын ақпараттардан балаларды қорғау мәселелері қаралды. Порнографиялық сипаттағы баспа өнімдерінің таралуына қарсы іс шаралар қолдануға мемлекеттік органдарға ұсынымдамалар пысықталды. Одан басқа, балаларды киберкеңістіктерде ақпараттандырудың қауіпсіздігімен қамтамасыз ету проблемалары қаралды.
ВАК отырысының қорытындысы бойынша 2009 жылғы 27 сәуірдегі Қазақстан Республикасының Үкіметі жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссияның № 4 Хаттамалық шешімі қабылданды.

 


Қазақстан Республикасының Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның отырысы туралы БАСПАСӨЗ ХАБАРЛАМАСЫ
 

010000, Астана қаласы
Орынбор көшесі, № 8 үй 11 кіреберіс
тел: (7172)74-23-81
www.edu.gov.kz

 

 Астана қаласы                                                                                                                                                          2009 жылғы 27 сәуір
                                                                                                                                                                                      сағат 11.30-13.00 ч.
                                                                                                                                                                                                № 907 кабинет
 

Қазақстан Республикасы Білім және ғылым министрлігі 2009 жылғы 27 сәуірде Қазақстан Республикасының Үкіметі жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссияның (бұдан әрі — ВАК) төртінші кеңейтілген отырысын өткізеді.
ВАК жұмысына мүдделі министрліктердің өкілдері, әкімдердің орынбасарлары сондай-ақ үкіметтік емес ұйымдардың өкілдері қатысады.
ВАК  отырысында денсаулық сақтау ұйымдарында дені сау балалар кабинеттерін қалпына келтіру және оқушыларды сапалы тамақтандыруды ұйымдастыру проблемаларын шешу жөнінде бірнеше өңірлердің тәжірибесе көрсетіледі.
ВАК отырысына қатысушылар облыстық және аудандық кәмелетке толмағандардың ісі және олардың құқықтарын қорғау жөніндегі комиссиялар қызметтерінің тиімділігін арттыру мәселесін талқылайды. Мысалы, әлеуметтік қауіпті жағдайдағы кәмелетке толмағандар мен отбасыларды ерте анықтау және біріңғай ведомствоаралық тіркеуді  жүргізу бойынша ұсыныстар қабылдайды.
ВАК-та, сондай-ақ балаларды қатыгездік пен зорлық-зомбылыққа табынушылықты насихаттайтын ақпараттардан қорғау мәселелері қаралатын болады. Порнографиялық сипаттағы мерзімдік баспа өнімдерінің таралуына қарсы әрекеттері бойынша мемлекеттік органдар үшін ұсынымдар әзірленетін болады.  Мысалы, шетелдік және отандық республикалық арналардағы, оның ішінде кабельдік және спутникті  телеарналардағы порнографиялық мазмұндағы бағдарламалар туралы деректер жинақтарының тетіктерін жетілдіру бойынша. Сонымен қатар, балалардың киберкеңістіктердегі ақпараттың қауіпсіздігін қамтамасыз ету проблемалары қаралатын болады.
Көрсетілген проблемалар жөніндегі ВАК жұмысының қорытындысы бойынша Қазақстан Республикасының Үкіметіне ұсыныстар енгізілетін болады. 


Қазақстан Республикасының Үкіметі жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссия отырысының КҮН ТӘРТІБІ

2009 жылғы 27 сәуір № 4Астана қаласы

1. Облыстық кәмелетке толмағандардың ісі және олардың құқықтарын қорғау жөніндегі ведомствоаралық комиссиялардың қызметін жандандыру мәселесі туралы (Баяндаушы: Ж.Қ. Жүкенов, ҚР БҒМ Балалардың құқықтарын қорғау комитетінің төрағасы);
2. Жалпы білім беретін мектептердегі оқушыларға сапалы ыстық тамақтандыруды ұйымдастыру мәселесі бойынша білім беру органдарының қабылдаған шаралары туралы (Баяндаушы: Шек Г.Г., Қостанай облысы білім басқармасының бастығы);

3. Қазақстан Республикасының денсаулық сақтау ұйымдарында дені сау баланың бөлмелерін ашу және қалпына келтіру жөнінде қабылданған шаралар мен олардың жағдайы туралы (Баяндаушы: А.Ғ. Төлеғалиева, ҚР ДСМ Денсаулық сақтау саласын дамыту департаментінің басқарма бастығы);
4. Порнографиялық материалдарды, сондай-ақ әдепсіз мазмұндағы, қатыгездік пен зорлықты насихаттайтын материалдарды таратуды, көрсетуді немесе жарнамалауды шектеу жөніндегі шаралар туралы (Баяндаушы: Б.А.Майлыбаев, мәдениет және ақпарат вице-министрі).


Кәмелетке толмағандардың ісі және олардың құқықтарын қорғау жөніндегі ведомствоаралық комиссияның IV отырысының шешімі


Қазақстан Республикасының Үкіметі жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссия отырысы туралы БАСПАСӨЗ ХАБАРЛАМАСЫ

 

01000, Астана қаласы
35 көше, № 8 үй10-12 кіреберіс
тел: (7172) 74-23-81
www.edu.gov.kz

 

 Қазақстан Республикасы Білім және ғылым министрлігі 2008 жылғы 11 желтоқсанда Қазақстан Республикасының Үкіметі жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссиясының үшінші кеңейтілген отырысы (бұдан әрі – Комиссия) Қазақстан Республикасы Білім және ғылым министрі Ж. Қ Түймебаевтың төрағалық етуімен  өткізеді.
Комиссия отырысында балаларды міндетті жалпы орта біліммен және балалардың мектепке толық келуін қамтамасыз ету бойынша білім беру органдарының қызметін бағалау және девиантты мінез-құлықты балаларға арналған арнаулы білім беру ұйымдарының жай-күйі мен  ВАК-тың отырысының екінші шешімін жергілікті атқарушы органдардың орындау жағдайлары талқыланады.
Комиссия жұмысына денсаулық сақтау, еңбек және халықты әлеуметтік қорғау, сауда және индустрия, мәдениет және ақпарат министрліктерінің, Қазақстан Республикасы Президентінің жанындағы Әйелдер істері және отбасылық демографиялық саясат жөніндегі ұлттық комиссиясының, Қазақстан Республикасы адам құқықтары жөніндегі ұлттық орталығының жауапты қызметкерлері, облыстық білім басқармалары мен балалардың құқықтарын қорғау департаменттері басшылары, тамақтандыру Академиясының,  мемлекеттік емес ұйымдардың және бұқаралық ақпарат құралдарының  өкілдері қатысады.
Отырысқа қатысушылар кәмелетке толмағандардың қадағалаусыздығы мен құқық бұзушылықтарын болдырмау бойынша ішкі істер органдары жұмыстарының тиімділігін  арттырудың жолдарын,  сондай-ақ Бас прокуратураның девиантты мінез-құлықты балалардың құқықтарын қорғау саласындағы заңдылықтардың жай-күйі туралы жүргізген арнайы тексеріс қорытындысы талқыланады.  ВАК отырысында білім беру органдарының өмірдің қиын жағдайына тап болған балаларға арналған  психологиялық педагогикалық, әлеуметтік және құқықтық көмек көрсету мәселелерін шешу туралы аймақтардың тәжірибелері көрсетіледі.
Комиссияда Қызылорда және Шығыс Қазақстан облыстарының жергілікті атқарушы органдарының   балалардың мектепте сапалы тамақтануын ұйымдастыру  жөніндегі  қызметі талқыланады. ВАК отырысына мәлімет дайындау үшін осы аймақтарға ведомствоаралық жұмыс тобы жіберілді.
ВАК отырысында 2008 жылғы 1 желтоқсанда өткен Селекторлық кеңесте Қазақстан Республикасы Премьер-Министрінің  мектепте сапалы тамақтануды ұйымдастыру және жалпы оқыту жүйесін жетілдіру туралы тапсырмасын орындау бойынша ұсыныстар  дайындалады.
Комиссияның кезекті  отырысы  2009 жылдың екінші тоқсанында өтеді.


Қазақстан Республикасының Үкіметі жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссия отырысының КҮН ТӘРТІБІ

2008 жылғы 11 желтоқсан № 3
Астана қаласы
1. Білім беру органдарының балаларды міндетті жалпы орта біліммен қамтуды және балалардың мектепке толық баруын (жалпы оқыту) қамтамасыз ету жөніндегі қызметі туралы.
2. Девиантты мінез-құлықты балаларға арналған арнайы білім беру ұйымдарының жай-күйі және проблемалары туралы.
3. Жалпы білім беретін мектептердегі балаларды сапалы және теңгерімді тамақтандыруды қамтамасыз ету бөлігіндегі ВАК-тың екінші отырысының шешімдерін жергілікті атқарушы органдардың орындау барысы туралы.
4. 2009 жылға арналған Үкіметі жанындағы кәмелетке толмағандардың ісі және олардың құқықтарын қорғау жөніндегі ведомствоаралық комиссияның жұмыс жоспарын бекіту.  


Кәмелетке толмағандардың ісі және олардың құқықтарын қорғау жөніндегіведомствоаралық комиссияның III отырысының шешімі


Қазақстан Республикасының Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның отырысы туралы  БАСПАСӨЗ ХАБАРЛАМАСЫ

Астана                                                                                                                   19 наурыз
 Қазақстан Республикасы Білім және ғылым министрлігі 2008 жылғы  19 наурызда Қазақстан Республикасы Білім және ғылым министрі Ж.Қ.Түймебаевтың төрағалық етуімен Қазақстан Республикасы Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның (бұдан әрі — Комиссия) екінші кеңейтілген отырысын өткізді. Комиссия Қазақстан Республикасы Үкіметі жанындағы консультациялық-кеңесші орган болып табылады.
Ведомствоаралық комиссияның Жоспарына сәйкес отырыс барысында даму мүмкіндігі шектеулі балаларға арналған білім беру қызметінің жай-күйі, дамуы мен проблемалары және жалпы білім беретін мектептерде балаларды сапалы әрі нәрлі тамақтандыруды қамтамасыз етудің жолдары сияқты мәселелер талқыланды.
Ведомствоаралық комиссия жұмысына экономика және бюджеттік жоспарлау, денсаулық сақтау, еңбек және халықты әлеуметтік қорғау, индустрия және сауда, мәдениет және ақпарат министрліктері, Қазақстан Республикасы Президенті жанындағы отбасы істері және гендерлік саясат жөніндегі Ұлттық комиссияның жауапты қызметкерлері, Қызылорда, Шығыс Қазақстан облыстары және Алматы қаласы әкімдерінің орынбасарлары, Тамақтану академиясының, үкіметтік емес ұйымдардың, бұқаралық ақпараттық құралдарының өкілдері қатысты.
Отырысқа қатысушылар республикадағы даму мүмкіндігі шектеулі балаларға түзету-дамыту көмегін көрсету мәселелері, сондай-ақ жалпы білім беретін мектептерде балаларды сапалы әрі нәрлі тамақтандыруды қамтамасыз ету және мектептердегі тамақтану орын - жайлары жөнінде баяндама жасады.
Отырыста Шығыс Қазақстан, Қызылорда облыстары мен Алматы қаласында мектеп оқушыларының тамақтануын ұйымдастыру мәселелері талқыланды. Ведомствоаралық комиссияға материалдар дайындау үшін, осы аймақтарда вемоствоаралық жұмыс тобы мектеп оқушыларының тамақтануын ұйымдастыру және тамақтану сапасын бақылау мәселелері бойынша облыстық және аудандық білім беру органдарының қызметімен танысты.
Комиссия мемлекеттік органдар мен аймақтардың әкімдеріне даму мүмкіндігі шектеулі балаларға арналған білім беру ұйымдарының санын арттыру, даму мүмкіндігі шектеулі балалардың психофизикалық  ауытқушылығын дер кезінде анықтау және түзету бойынша қосымша шаралар қабылдау және мүгедек балаларды протездік-ортопедиялық, сурдо-тифлотехникалық құралдармен, арнайы қозғалыс құралдарымен камтамасыз ету бойынша жұмысты бұдан әрі жалғастыру жөнінде ұсыныс жасады.
Комиссия ерекше мұқтаждыққа ие балалардың білім алуы мен дамуына қатысты басқа да өзекті мәселелерге байланысты шешімдер қабылдады.
Комиссия отырысында мектептердегі тамақтану орын-жайларын ұйымдастыру, тамақтанудың қауіпсіздігін және оқушыларды тамақтандыру барысында балалардың денсаулығына зиян келтіретін азық-түліктерді пайдалануға жол бермеу, сондай-ақ білім беру органдарының оқушыларды ыстық тамақпен қамтамасыз етуге жағдай жасауы бойынша жауапкершілігін арттыру мәселелерін реттейтін заңнамалық базаны жетілдіру жөнінде шешім қабылданды.
Комиссия барлық бастауыш сынып оқушыларына тегін ыстық тамақты ұйымдастыруға байланысты Алматы қаласының оң тәжірибесін таратуды ұсынды.
Комиссия жұмысының қорытындысы бойынша Қазақстан Республикасы Үкіметіне мектеп оқушыларының тамақтану жүйесін жетілдіру жөнінде сындарлы ұсыныстар енгізілетін болады.
Комиссияның кезекті отырысы 2008 жылдың 4-тоқсанының соңында болады. 

 


Қазақстан Республикасының Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның отырысы туралы БАСПАСӨЗ ХАБАРЛАМАСЫ

Астана                                                                                                                           5 желтоқсан
Бүгін Қазақстан Республикасы Білім және ғылым министрі Ж. Түймебаевтың төрағалығымен Қазақстан Республикасы Үкіметі жанындағы Кәмелетке толмағандардың ісі және олардың құқықтарын қорғау жөніндегі ведомствоаралық комиссияның отырысы өтті.
«Кәмелетке толмағандар арасындағы құқық бұзушылықтардың профилактикасы мен балалардың қадағалаусыз және қорғансыз қалуының алдын алу туралы» Қазақстан Республикасы Үкіметінің 2007 жылғы 24 мамырдағы №415 қаулысымен Қазақстан Республикасының Үкіметі жанынан Кәмелетке толмағандардың ісі және олардың құқықтарын қорғау жөніндегі ведомствоаралық комиссия құрылды.
Комиссия туралы Ережеге сәйкес жұмыс органының қызметі Қазақстан Республикасының Білім және ғылым министрлігіне жүктеледі.
Комиссия Қазақстан Республикасы Үкіметінің жанындағы кеңестік- нұсқаулық орган болып табылады.
Ведомствоаралық байланысты қамтамасыз ету үшін Комиссияның жұмысына ВАК мүшелері, балалардың құқықтарын қорғау мәселелерімен айналысатын мүдделі министрліктер мен ведомстволардың (Ішкі істер, Денсаулық сақтау, Әділет министрліктері және т.б.) өкілдері қатысты. Комиссияның жұмысы кезінде қатысушылар өмірде қиын ахуалға тап болған балалардың құқықтарын қорғау мәселелері бойынша республикадағы жағдайды сипаттайтын баяндамалар ұсынды.
Комиссияның отырысында қаралған негізгі мәселелер ювеналдық әділет жүйесін дамыту, түзету мекемелерінен оралған кәмелетке толмағандарға жағдай жасау мәселелерін қамтыды.
Сонымен қатар кәмелетке толмағандардың өзіне-өзі қол жұмсау жағдайының алдын алу мәселелері талқыланды.
Комиссия ювеналдық әділет жүйесін енгізу бойынша Алматы қаласының Әуезов ауданындағы және Алматы облысының Қарасай ауданындағы оң тәжірибелерді өзге аймақтарға тарату туралы; республиканың белгілі бір өңірінде бас бостандығынан айыру орындарынан оралған жасөспірімдерді әлеуметтік бейімдеудің эксперименттік орталығын құру туралы; қоғамнан оқшауланумен байланысты емес, жазалау шарасына сотталған кәмелетке толмағандарды әлеуметтік бейімдеу мен оңалтудың халықаралық тәжірибесін зерделеу туралы; балаларға қатысты зорлық-зомбылық фактілері бойынша статистикалық мәліметтерді жинау жөніндегі жауапты мемлекеттік органды анықтау туралы, кәмелетке толмағандардың өзіне-өзі қол жұмсау жағдайы мен басқалар туралы шешім қабылдады.

 

© 2017 Балалардың қүқықтарын қорғау комитеті

010000, Астана қаласы, Орынбор көшеcІ
«Министрліктер Үйі» Әкімшілік ғимараты, № 8 үй, 11 кіреберіс. Тел.: 8 7172 74 23 42

Яндекс.Метрика